أعلنات السلطات القضائية المغربية نهار السبت على إطلاق سراح ثلاثة ديال المشجعين سينيغاليين، بعدما كملوا عقوبة حبسية نافذة مدتها تلت شهور فسجن العرجات 2 بسلا. هاد التوقيف جا على خلفية أحداث الشغب والتخريب اللي عرفتها نهاية كأس أمم إفريقيا 2025، بحيث تتابعوا بتهم ككتعلق بإلحاق أضرار بممتلكات عمومية، ورشق مقذوفات، والمواجهة مع القوات العمومية.
من بعد ما غادروا المؤسسة السجنية، تم النقل ديالهم لمركز الشرطة قبل ما يتسلموا من طرف ممثلي سفارة السينيغال، مع أداء غرامة مالية قدرها 1000 درهم لكل واحد منهم. فهاد السياق، كيتسجل أن هاد الثلاثة هما جزء من مجموعة كضم 18 مشجع سينيغالي توبعوا فهاد الملف، بحيث مازال 15 منهم رهن الاعتقال فالمغرب، كيقضيو عقوبات حبسية كتوصل لعام كامل، مع أداء غرامات مالية متفاوتة، كجزاء على الأفعال المنسوبة ليهم خلال هاد التظاهرة الرياضية.