بعد ربع قرن من الغياب، تمكن نادي كوفينتري سيتي من حسم عودته التاريخية للبطولة الإنجليزية الممتازة (البريميرليغ)، عقب تعادله الثمين أمام بلاكبيرن (1-1). هاد الإنجاز كيجسد مسار ديال المعاناة، حيث الفريق داز من أزمات خايبة وصلات بيه حتى للدرجة الرابعة فـ2017، قبل ما يرجع للواجهة بفضل الخدمة ديال المدرب والأسطورة فرانك لامبارد.
لامبارد، اللي كيعرف خبايا الملاعب الإنجليزية كلاعب بـ609 مباراة، قدر هاد المرة يفرض راسو كمدرب محنك. واخا فشل العام اللي فات فمباريات السد، إلا أنه قاد “السكاي بلوز” هاد الموسم لبداية صاروخية حطمات الأرقام القياسية، بـ51 نقطة فمنتصف الموسم، وهو إنجاز مسبوق غير مرة وحدة فالتاريخ.
من بعد تجارب ما كانش فيها الحظ فتشيلسي وإيفرتون، لامبارد قدام فرصة ذهبية باش يتبت جدارتو فالنخبة. الطموح دابا ماشي غير البقاء، بل كتابة تاريخ جديد للفريق وتكرار تجارب مدربين بحال كومباني، باش يرجع السمعة ديالو كواحد من كبار الأطر التقنية فالعالم. كوفينتري دابا كتستعد لمرحلة جديدة، والجمهور كيحلم بعودة قوية فالموسم القادم.