في إطار الاستعدادات لنهائيات كأس أمم إفريقيا للسيدات 2026، كايواصل المنتخب الوطني المغربي النسوي التحضيرات ديالو فظروف كايطبعها التفاؤل والتركيز العالي، قبل المواجهة الودية المرتقبة ضد المنتخب المالي نهار الجمعة الجاي فملعب مولاي الحسن بالرباط.
وفي تصريح ليها للقناة الرسمية للجامعة الملكية المغربية لكرة القدم، كشفت اللاعب مروة ناسي على حجم المجهودات اللي كايقوم بها الفريق من بداية التربص الإعدادي، اللي جا مباشرة مورا الماتش لخر ضد تنزانيا. وأكدات بلي الطاقم التقني ركز بشكل كبير على تطوير الجوانب البدنية والتكتيكية باش تكون المجموعة فأتـم الجاهزية ديالها. هاد المعسكر كايعتبر محطة أساسية باش “لبؤات الأطلس” يطوروا المستوى ديالهم ويصححوا المسار التقني قبل الدخول فالغمار الإفريقي، والهدف هو تمثيل الكرة المغربية أحسن تمثيل فالمحفل القاري الجاي.