كشف استطلاع للرأي دارتو “بلومبرغ نيوز” باللي البنك المركزي الأوروبي كيتجه باش يرفع أسعار الفائدة بمقدار ربع نقطة فاجتماع يونيو الداخل. هاد الخطوة جات بسباب توترات الحرب الإيرانية اللي طلعات نسبة التضخم هاد العام، وخلات التوقعات تشير باللي غادي يوصل لـ 2.8 في المية فـ 2026، قبل ما يرجع لمستواه المستهدف ديال 2 في المية سنة 2027.
مصادر قريبة من البنك أكدات باللي كاين انقسام فالمواقف؛ فالمقابل اللي كيميلو فيه أغلبية المسؤولين للتريث وتثبيت الفائدة فهاد الشهر، كاينين أصوات بحال محافظ البنك المركزي الألماني، يواخيم ناجيل، اللي كيشوفو باللي ما يمكنش نستبعدو تحركات عاجلة.
هاد الوضعية حطات “المركزي الأوروبي” فموقف لا يحسد عليه؛ حيت أي زيادة فتكاليف الاقتراض، اللي كايديروها باش يكبحو التضخم الناتج على غلاء الطاقة بسباب الصراع فالمشرق، تقدر تفرمل التعافي الاقتصادي اللي يلاه بدا كيبان فدول منطقة اليورو. البنك دبا كيحاول يوازن بين استقرار الأسعار وبين حماية اقتصاد المنطقة من الركود.