هاكم ملخص لأبرز مستجدات الساحة الرياضية العالمية لي بانت فالساعات الأخيرة:
كاري.. رمز الثقة:
نيّضها فريق “غولدن ستيت واريورز” فماتش حاسم ضد “كليبرز”، وبانت الخبرة ديال ستيفن كاري لي واخا عندو 38 عام ومصاب، قدر يسجل تلاتية قاتلة فالدقيقة اللخرة، ومنح الرباح لفريقو بـ 126-121 باش يحافظو على آمالهم فالتأهل.
رد بالك للملعب!:
واحد السيدة كانت جالسة فالصفوف اللولى فماتش “أورلاندو ماجيك”، وبلاصة ما تتبع اللعب بقات ملهية مع التيليفون، حتى لقات كورة طائرة من عند اللاعب “باولو بانشيرو” نيشان فوجهها حيت ما رداتش البال.
تصريح ومخططات عمدة فانكوفر:
عمدة مدينة فانكوفر الكندية، كين سيم، كشف على الرغبة ديالو باش يجيب فريق ديال “البيزبول” للمدينة، معتبراً باللي النجاح ديال “بلو جايز” العام الفايت بيّن باللي كاين شغف كبير بهاد الرياضة فكندا.
أغلى عقد فـ WNBA:
النجمة “أجا ويلسون” خلات بصمتها فالتاريخ بعدما سناو معاها “لاس فيغاس آيسز” عقد ديال تلت سنين بقيمة 5 مليون دولار، وهادي أغلى صفقة فشطر العيالات ديال كرة السلة.
لقطة اليوم:
صورة طريفة من تداريب فريق “بايرن ميونيخ” كيبانوا فيها لعابة بحال إلى كيمارسو المصارعة على زميلهم لويس دياز، فجو ديال الضحك والنشاط.