علنات شركة “هيرميس” الفرنسية، المتخصصة فالسلاعي الفاخرة، على نتائجها المالية ديال الربع لول من عام 2026، اللي عرفات تراجع ملحوظ فالأداء. الشركة سجلات إيرادات وصلات لـ 4.07 مليار يورو، يعني نقصات بـ 1.5% مقارنة مع نفس الفترة من العام اللي فات.
هاد التراجع قاس كاع القطاعات؛ فالملايس الجاهزة والإكسسوارات هبطات المبيعات لـ 1.076 مليار يورو، وحتى قطاع الساعات نزل لـ 135 مليون يورو. هاد الأرقام كانت بحال الصدمة فبورصة باريس، حيت سهم الشركة طاح بـ 14% فنهار واحد، وهي أكبر سقطة فتاريخو.
التقارير كشفات باللي المبيعات فمنطقة الشرق الأوسط تراجعات بـ 5.9%، وففرنسا نزلات بـ 2.8%، والسبب الرئيسي هو نقص ليفضل ديال السياح ولي ديپونس ديالهم. بهاد النتائج، كيبان باللي قطاع الرفاهية عالمياً كيمر من مرحلة صعيبة، وهيرميس اللي كانت ديما صامدة، بدات حتى هي كتحس بضغط تراجع القدرة الشرائية عند الزبناء الكبار.