بايرن ميونخ كايقصي ريال مدريد ويتأهل لنصف نهائي دوري أبطال أوروبا من بعد ماتش خيالي: ملخص المباراة.

فواحد الليلة خيالية فـ “أليانز أرينا”، البايرن ميونيخ قدر يقلب الطاولة على ريال مدريد وينتصر بـ 4-3، باش يحجز بلاصتو فدومي فينال تشومبيونز ليغ ضد باري سان جيرمان.

الماتش بدا دغيا بخطأ من نوير استغلو أردا غولر وسجل للمادريليبيين فالدقيقة الأولى، ولكن الماكينات الألمانية جاوبو بالزربة عن طريق بافلوفيتش. الريال بقاو خطيرين بهجمات مبابي وغولر اللي سجل الثاني بـ “كوفرون” واعرة، قبل ما يرجع هاري كين والريال يعاودو يماركيو الثالث قبل لافان ديال لشوط اللول.

فالشوط الثاني، اللعب كان متكافئ بزاف حتى للدقائق لخرة اللي عرفات منعرج الماتش: كامافينغا خدا الحمراء وخلا الريال بـ 10. البايرن ضغطو بكل جهدهم، ولويس دياز سجل التعادل فالدقيقة 88 بقرطاسة من برا السطح. وفالوقت اللي كلشي كيتسنى الأشواط الإضافية، مايكل أوليس قضا على أحلام “الميرينغي” بالبيت الرابع فالدقيقة 95.

هاد الإقصاء كان قاصح على الريال ومدربهم أربيلوا اللي نتقد التحكيم، بينما مبابي رغم الخسارة، وصل لـ 15 بيت فهاد النسخة وعادل رقم بنزيما التاريخي كأفضل هداف فرنسي فموسم واحد.