الفراشيز فالمغرب: سوق كايتنظم ومعول على إقبال المستثمرين.

نموذج “الفرانشايز” (Franchise) غادي وكيفرض راسو فالمغرب كبديل حقيقي للمقاولات الكلاسيكية، هادشي اللي كشف عليه أول باروميتر وطني دارتو منصة “Wefranchiz”. هاد الدراسة اللي شملات 501 مشارك، بينات بلّي كاين إقبال كبير؛ حيت أزيد من 80% من المستثمرين مهتمين بهاد النموذج اللي كيجمع بين التاطير وضمان النجاح.

النتائج ورّات بلّي السمعة ديال العلامة التجارية والمواكبة هما المحركات الأساسية، حيت 83.4% كيتسناو دعم عملياتي وتكوين مستمر. أما القطاعات اللي كاتهافت عليها الاستثمارات، فجات “Restaurations” فالرتبة الأولى (حوالي 30%)، متبوعة بالخدمات والتجميل.

ورغم هاد التفاؤل، كاينين عوائق مازال كتحبس هاد الدينامية، بحال نقص المعلومة حيت 63.5% ما كيعرفوش المنصات المختصة، إضافة لصعوبات التمويل اللي هي العائق اللول لـ 58.3% من المستجوبين.

نقطة الضوء القوية هي الثقة فالقدرات المحلية؛ حيت 85.4% كيشوفو بلّي الماركات المغربية عندها إمكانيات كبيرة باش تطور فهاد المجال. فالمقابل، “Wefranchiz” كطمح تنظم هاد المنظومة وتسهل الربط بين أصحاب العلامات والمستثمرين باستعمال التكنولوجيا والذكاء الاصطناعي، لتعزيز خلق فرص الشغل ودفع عجلة الاقتصاد الوطني.