علنات وزارة الدفاع الإماراتية هاد النهار د لاد، بلي الدفاعات الجوية ديالها تصدات لـ 16 صاروخ باليستي و42 طائرة مسيرة جاية من جيهت إيران. ووضحات الوزارة فبيان رسمي أن الحصيلة الإجمالية من نهار بداو الهجمات وصلات لـ 414 صاروخ باليستي، و15 صاروخ جوال، و1914 طائرة مسيرة تم الاعتراض ديالها بنجاح.
وأكدات السلطات الإماراتية بلي القوات المسلحة ديالها فكامل الجاهزية والاستعداد باش تواجه أي تهديد كيمس أمن لبلاد واستقرارها، معلنة بلي غتصدى بكل حزم لأي محاولة كتهدف لزعزعة السيادة الوطنية أو استهداف المنشآت الحيوية والمصالح ديال الدولة.
هاد التصعيد كيجي فواحد الظرفية صعيبة، حيت الإمارات وعدة دول عربية أخرى كيتعرضوا لهجمات متكررة بالمسيرات والصواريخ من طرف إيران، تزامنا مع التوترات العسكرية اللي بدات ما بين ميريكان وإسرائيل من جهة، وإيران من جهة ثانية.