كتعيش المنطقة تصعيد خطير ومفارقات ديبلوماسية كبيرة؛ فإيطاليا، في شخص جورجيا ميلوني، علنات توقيف تجديد اتفاقية الدفاع مع إسرائيل، فلوقت اللي كتعرف فيه الجبهة اللبنانية سقوط ضحايا مدنيين بسبب الغارات الإسرائيلية المستمرة.
فالجانب اللكبير ديال هاد الأزمة، إيران قدرات الخسائر ديالها من الضربات الأمريكية-الإسرائيلية بحوالي 270 مليار دولار، وكتهم واشنطن بخرق سيادتها عبر الحصار البحري اللي فرضاتو على موانئها. هاد الحصار تسبب فـ “صدمة طاقية” عالمية، خلات وكالة الطاقة الدولية تحذر من انهيار الطلب على البترول، فلوقت اللي الروس استغلو الوضع وضاعفو أرباحهم من التصدير.
ديبلوماسياً، باكستان كتحاول ترجع ميريكان وإيران لطاولة المفاوضات فإسلام آباد باش يمددو الهدنة، وخا كاين اختلاف كبير على ملف تخصيب اليورانيوم. وفنفس السياق، كاين ترقب لمفاوضات “تاريخية” فواشنطن بين لبنان وإسرائيل، وخا “حزب الله” معارضها. الصين من جهتها دخلات على الخط، وانتقدات الحصار الأمريكي واعتبراتو “غير مسؤول”، مع دعوة الرئيس شي جين بينغ لضرورة احترام القانون الدولي باش ما يرجعش العالم لـ “قانون الغابة”.