من المنتظر يوقع المغرب ونيجيريا، قبل نهاية سنة 2026، الاتفاق النهائي لبناء مشروع أنبوب الغاز “إفريقيا-الأطلسي”، وهي الخطوة اللي أكداتها تقارير دولية بحال “رويترز” و”سي إن إن”. هاد المشروع الضخم، اللي جا بمبادرة من الملك محمد السادس، كيحتاج ميزانية تقديرية كتوصل لـ 25 مليار دولار.
هاد “الغازودوك” التاريخي غادي يمتد على مسافة 6900 كيلومتر، وغادي يمر عبر 13 دولة فالمحيط الأطلسي، بهدف ضمان الأمن الطاقي لـزيد من 340 مليون نسمة، وتعزيز التكامل الاقتصادي والصناعي فغرب إفريقيا. المشروع كيهدف كذالك باش يرجع المغرب منصة استراتيجية كتربط الموارد الإفريقية بالسوق الأوروبية.
مؤسسات مالية دولية، بحال البنك الإسلامي للتنمية وصندوق “أوبك”، عبرات على الرغبة ديالها فتمويل هاد الورش العملاق. ومن بعد توقيع الاتفاق فـ2026، غادي يتم إحداث هيئة عليا فنيجيريا باش تنسق الجوانب السياسية والقانونية بين كاع الدول المشاركة، وتسرع وتيرة الإنجاز.