علنات وزارة الخارجية الميريكانية، هاد السبت، على توقيف جوج من عائلة القائد السابق لـ”فيلق القدس” الإيراني، قاسم سليماني، مور ما تم إلغاء وثائق الإقامة ديالهم فالميريكان. هاد الإجراء شمل بنت خت سليماني، حميدة سليماني أفشار، وبنتها، اللي تحطو رهن حراسة إدارة الهجرة والجمارك، بسبب دعمهم للنظام الإيراني “الإرهابي”، مع منع راجل أفشار من دخول لبلاد.
وفنفس السياق، كشفات الخارجية باللي الوزير ماركو روبيو لغى الوضع القانوني لفاطمة لاريجاني، بنت المسؤول الإيراني السابق علي لاريجاني، هي وزوجها، ومنعاتهم من دخول الميريكان مستقبلاً. ووضحات إدارة ترامب بلي ماغاديش تسمح بإيواء أجانب كيأيدو أنظمة معادية.
من جيهة خرى، وجه الرئيس دونالد ترامب تحذير شديد اللهجة لطهران، وعطاها مهلة ديال 48 ساعة باش تبرم اتفاق وتفتح مضيق هرمز. ترامب هدد إيران بـ “الجحيم” وبقصف منشآت الطاقة ديالها إلى مالتزمتش بهاد المطلب، فخطوة كتصعد من حدة التوتر بين واشنطن وطهران.