أعلنت وزارة الكهرباء والماء والطاقة المتجددة باللي جوج محطات ديال إنتاج الضوء وتحلية الما تعرضوا، نهار الأحد، لهجوم بالطائرات المسيرة (الدرون) من طرف إيران.
المصدر وضح باللي هاد الهجوم تسبب فخسائر مادية كبيرة، وخلا جوج وحدات ديال توليد الكهرباء يخرجوا على الخدمة، ولكن الحمد لله ما تم تسجيل حتى إصابات بشرية. وفهاد السياق، صرحات المتحدثة باسم الوزارة، فاطمة جوهر حياة، بلي الأطقم التقنية وفرق لوميرجونس بداو التدخلات ديالهم وفق خطط الطوارئ المعتمدة، بتنسيق مع السلطات المعنية، باش يحافظوا على استقرار شبكة الما والضو.
وأكدات نفس المسؤولة باللي الفرق خدامة 24 ساعة على 24 باش تضمن استمرارية الخدمات للمواطنين. هاد الحادث كيجي فوقت كتعيش فيه دولة الكويت، وبزاف ديال الدول العربية، هجمات متكررة بالصواريخ الباليستية والمسيرات من أواخر فبراير اللي فات، بسباب التوترات الجيوسياسية اللي كتعرفها المنطقة.