أكدات شركة “هاباغ-لويد” الألمانية، العملاق فمجال شحن الحاويات، بللي الوضع فمضيق هرمز ولاّ معقد بزاف، ويفضلات تخلي السفن ديالها عالقة فالخليج عوض ما تخاطر بيهم فهاد الظرفية الصعبة. رولف هابن يانسن، الرئيس التنفيذي للشركة، وضّح باللي ما كاين حتى خيار للمرور آمن فالعين فالساعة، وأنهم كيتسناو غير الفرصة المناسبة باش يحركو 6 د السفن اللي باقية محبوسة تماك.
هاد الأزمة، اللي ناتجة على التوترات والحروب فالمنطقة، كلفة الشركة خسائر كبيرة واصلة لـ50 مليون دولار كولّ أسبوع، والسبب الرئيسي هو الغلاء الفاحش فأسعار المحروقات. وباش تغطي هاد المصاريف، اضطرات “هاباغ-لويد” تزيد رسوم إضافية على الكليان ديالها.
من جيهة خرى، التهديدات الإيرانية ولات خطر حقيقي؛ فمارس الفايت، وحدة من سفن الشركة تعرضات لضربة بشظية قذيفة تسببات فحريق، وزيد عليها الهجومات الأخيرة اللي طالت سفن شحن خرى واحتجاز سفينة سويسرية. هاد الاضطرابات خلات حركة الملاحة فمضيق هرمز شبه متوقفة، وكولشي بقا كيتسنا حل فهاد “البلوكاج” اللي ضار الاقتصاد العالمي.