نص المغاربة كيختارو وجهات سفرهم على حساب الأنشطة والسياحة الجبلية.

السياحة الرياضية مابقاتش مجرد نشاط ثانوي، بل ولات هي الموتور اللي كايحرك السفر. دراسة حديثة ديال “Ifop” فـ 2026 كشفات باللي 81% من الفرنسيين كايماسو الرياضة، و46% منهم كايختارو وجهة السفر ديالهم على قبل الأنشطة “Outdoor” (الهواء الطلق). هاد التحول الثقافي باين بزاف عند الشباب (59%).

جمالية الطبيعة ولات هي المعيار الأول (47%) قبل الثمن أو القرب. وخا ميزانية هاد الأنشطة متوسطة (حوالي 98 يورو)، ولكن تأثيرها هيكلي؛ حيت هي اللي كاتحدد مدة الإقامة ونوع السكن. 50% من السياح الرياضيين كايتجنبو الفنادق وكايحمقو على الكراء المفروش (Airbnb) حيت كايعطيهم استقلالية وقرب من الطبيعة.

هاد الدينامية غادية وكاتكبر، خصوصاً عند “جيل Z” و”الميلينيالز”، وغيرات الخريطة السياحية؛ بلايص قروية وجبلية كانت منسية ولات دابا هي السنطر حيت فيها مسارات المشي، بيكالات، أو ركوب الأمواج. الرباح الحقيقي دابا للجهات اللي كاتعرف تجهز المسارات وتسهل التجربة على السائح. هاد “الثورة” خدمات بزاف منصات بحال Airbnb، اللي لقات راسها كاستجب لطلب كايقلب على سياحة محلية، تجريبية، وبعيدة على لبلانات الكلاسيكية ديال المدن المزيورة.