عبر الحارس الدولي إدوارد ميندي على الصدمة ديالو من قرار الكاف القاضي بسحب اللقب القاري من السنغال ومنحو للمغرب، واصفا هاد الخطوة بـ “المفاجئة” و اللي كتشبه لـ “كذبة أبريل”. ميندي أكد فتشريح للأحداث أن المنتخب السنغالي كمل الماتش حتى للنهاية، وفاز بالميدان وتوج باللقب احتفالياً، الشيء اللي كيخلي هاد القرار غير مفهوم بالنسبة ليه.
وفسياق متصل، أشاد ميندي بالمستوى الكبير ديال المنتخب المغربي، معتبراً إياه من بين أفضل عشرة منتخبات فالعالم، ومنوهاً بالمسار التاريخي ديال “الأسود” وصولاً لنص نهاية كاس العالم 2022. ورغم هاد الاحترام للمنافس، شدد الحارس على أن السنغال استطاعت تفوق عليهم كروياً فديك اللحظة وتستحق اللقب.
من جهة أخرى، أكد ميندي أن الاتحاد السنغالي لكرة القدم داير كاع المجهودات القانونية باش يسترجع الكأس، معتبراً أن النتيجة الوحيدة المقبولة هي اعتراف الكاف بالسنغال كبطل حقيقي لهاد النسخة من كأس أمم أفريقيا، وموضحاً أن اللاعبين كيدعمو هاد التحركات باش ترجع الأمور لنصابها.