فدورة تاريخية بمناسبة الذكرى الأربعين لجائزة الحسن الثاني الكبرى للتنس بمراكش (ATP 250)، بصم الشاب الإسباني “رافاييل جودار” (19 عام) على إنجاز باهر بتحقيق أول لقب ليه فالمسار الاحترافي، بعدما غلب الأرجنتيني المخضرم “ماركو ترونجيلتي” (36 عام) فالفينال بـ 6/3 و6/2.
هاد الرباح مكن “جودار” باش يقفز فالتصنيف العالمي من الرتبة 89 لـ 57، فطلعة صاروخية وهو اللي كان العام اللي فات خارج الـ 900 الأوائل. من جيهتو، “ترونجيلتي” اللي دار مفاجأة كبيرة فالدومي فينال فاش أقصى الإيطالي “دارديري”، دخل حتى هو لنادي الـ 100 الأوائل ووصل للمركز 76.
البطولة عرفات حضور جماهيري كبير فالمدرجات، وهادشي كيشرف المغرب اللي كينظم التظاهرة الوحيدة فهاد الصنف فإفريقيا. “جودار”، المتأثر بـ “نادال” وعاشق “ريال مدريد”، بين على قتالية كبيرة ومستوى تقني عالي خلاه يسيطر على الماتش من اللول ويحسم اللقب التاريخي فمدينة مراكش.