إسلام أباد كتحتضن نهار السبت مفاوضات سلام مصيرية بين إيران وميريكان، وسط أجواء عامرة بالشكوك. الوفد الإيراني اللي كيقودو محمد باقر قاليباف وصل بلهجة حذرة، وأكد بلي “النية كاينـة ولكن الثقة مفقودة”، شارطاً ضرورة وقف إطلاق النار فلبنان وإطلاق الأصول الإيرانية المجمدة قبل أي اتفاق.
من جيهة ميريكان، نائب الرئيس “جي دي فانس” وصل مع وفد فيه “جاريد كوشنر”، ودعا طهران باش تتعامل بجدية وبلا مراوغة، معبراً على استعداد واشنطن للتعاون إلا كانت “حسن النية” متوفرة.
هاد اللقاء كايجي فوقت معقد؛ إسرائيل باقة مكملة هجماتها فلبنان، والتوتر طالع فمضيق هرمز اللي كيهدد فيه ترامب باستعمال القوة إلا بقى مسدود. زيادة على هادشي، الملف النووي كيشكل نقطة خلاف كبيرة، حيت طهران كترفض تراجع على تخصيب اليورانيوم، فمقابل ضغوط ميريكانية وإسرائيلية باش تمنعها من امتلاك السلاح النووي. إسلام أباد دابا ولات “مدينة أشباح” تحت حراسة مشددة، والعالم كيتسنى واش الدبلوماسية غتغلب لغة الرصاص.