علنات البنك الدولي نهار الاثنين 13 أبريل على تخصيص تمويل بقيمة 500 مليون دولار للمملكة المغربية، كدفعة أولى من واحد البرنامج كيهدف لدعم سياسات التشغيل والنمو الأخضر. هاد القرض، اللي كينقسم لثلاثة ديال الأجزاء، كيسعى للوصول لأزيد من 330 ألف باحث عن الشغل في أفق سنة 2029، مع التركيز بالخصوص على فئة الشباب والنساء.
المؤسسة المالية اللي المقر ديالها فواشنطن وضحت باللي هاد المبادرة غتساهم فتعزيز إصلاحات سوق الشغل ودعم المقاولات الصغرى والمتوسطة. زيادة على هادشي، هاد التمويل غيوجه للاستثمار في الطاقات النظيفة، النجاعة الطاقية، والصناعات الصيدلية الموجهة للتصدير.
وكيفما جرت العادة، كيتعتبر المغرب “تلميذ نجباء” فمنطقة الشرق الأوسط وشمال إفريقيا، بفضل الفعالية ديالو فتدبير وتنزيل التمويلات اللي كيقدمها البنك الدولي فبزاف ديال المجالات التنوية. هاد الخطوة الجديدة كتاكد الثقة المتواصلة ديال المؤسسات الدولية فالمسار الاقتصادي المغربي والطموح ديالو فتبني مشاريع مستدامة.