صادق المجلس الحكومي، اللي نعاقد نهار الخميس فالرباط برئاسة عزيز أخنوش، على مشروع قانون رقم 022.26 كيتعلق باتفاقية تعاون عسكري بين المملكة المغربية وجمهورية غامبيا، اللي كانت تسنات فالرباط فـ 29 أكتوبر 2025.
وحسب ما صرّح بيه الناطق الرسمي باسم الحكومة، مصطفى بايتاس، فهاد الندوة الصحفية اللي جات من بعد الاجتماع، هاد الاتفاقية كتهدف لتعزيز الروابط الاستراتيجية والدفاعية بين البلدين. وقدم بايتاس هاد المشروع نيابة على وزير الشؤون الخارجية والتعاون الإفريقي والمغاربة المقيمين بالخارج، ناصر بوريطة.
هاد الخطوة كاتجي فإطار الرؤية الملكية السامية لتقوية التعاون “جنوب-جنوب” وتوطيد العلاقات الثنائية مع الدول الإفريقية الشقيقة، خصوصا فالمجالات الأمنية والعسكرية، باش تضمن الاستقرار والتنمية فـ المنطقة.