فخطوة مفاجئة وصادمة، أعلن نادي لوزان سبورت السويسري نهار الخميس 16 أبريل على إقالة المدرب الألماني بيتر زيدلر، فقرار جا عكس كاع التوقعات خصوصا وأن هاد الإطار التقني كان هو مهندس الملحمة الأوروبية اللي أقصى فيها فريق بشيكتاش التركي فدوري المؤتمر الأوروبي قبل أقل من شهرين.
إدارة النادي بررات هاد القرار بكون النتائج فالمرحلة الثانية من الموسم كانت مخيبة، مع غياب أي تطور ملموس فالأداء الجماعي أو الفردي ديال اللعابة. ورغم أن الفريق ك يحتل المركز التاسع وبعيد بـ 12 نقطة على منطقة الخطر، إلا أن المسؤولين فضلو ينهيو التجربة ديال زيدلر باش “يعطيو نفس جديد” للمستقبل، وعينو ماركوس نوماير وميجين باشا للإشراف مؤقتا على العارضة التقنية.
زيدلر، اللي دوز ست سنين ناجحة مع سانت غالن، كان ك يطالب غير بشوية ديال الوقت باش يبني هوية قوية للفريق، مستدلا بنماذج أندية فحال سيون اللي حافظات على استقرارها التقني. لكن لوزان سبورت اختار يقطع الطريق على هاد المشروع ويغير البوصلة قبل نهاية الموسم.