بدأت ملامح المشروع الضخم لمركز البيانات “Hyperscale” بمدينة النواصر تترسم على أرض الواقع، بقدرة طاقة كتوصل لـ 500 ميغاوات. هاد الورش التكنولوجي كايجمع بين خبرات عالمية، كتقودو شركة “Nexus Core Systems” الأمريكية بتعاون مع “Naver Cloud” الكورية، وبشراكة تقنية استراتيجية مع العملاق “Nvidia”.
هاد المشروع كايشكل طفرة نوعية فالبنية التحتية الرقمية بالمغرب. ومن الناحية التقنية، غادي تكلّف شركة “Naver Cloud” بتسيير واستغلال المنصة الرقمية، فالمقابل غادي تزوّد شركة “Nvidia” المركز بأحدث أجيال المعالجات والرقائق الإلكترونية المطورّة، باش تضمن أداء عالٍ فمجال الذكاء الاصطناعي ومعالجة البيانات الضخمة.
هاد الاستثمار كأكّد المكانة المتصاعدة للمملكة كقطب تكنولوجي رائد فإفريقيا والمنطقة، وكيعكس الثقة ديال كبار الفاعلين الدوليين فالسوق المغربية، الشيء اللي غادي يساهم فتعزيز السيادة الرقمية وتطوير منظومة الابتكار التكنولوجي ببلادنا.