وجّهات النائبة البرلمانية نجوى ككوس، عن فريق الأصالة والمعاصرة، سؤال شفوي آني لوزيرة الانتقال الرقمي وإصلاح الإدارة، بخصوص إمكانية اعتماد “الخدمة عن بعد” (Télétravail) فالمرافق العمومية. هاد المبادرة جات كحل عملي باش يتم التخفيف من عبء غلاء أسعار المحروقات اللي قهر الجيب ديال الموظفين والأجراء اللي كيتنقلو يومياً لمقرات العمل ديالهم.
ككوس أكدات باللي هاد الظرفية الاقتصادية الصعبة كتفرض علينا نلقاو حلول مبتكرة، بحال العمل الهجين اللي كيجمع بين الحضور والممارسة الرقمية، خصوصاً فالمهام اللي ما كتحتاجش التواجد الجسدي الدائم. هاد الخطوة غتساهم فتقليص استهلاك الوقود، ونقص الضغط على الطرقات، وتجويد مردودية الإدارة.
وفهاد السياق، طالبت البرلمانية الحكومة بالكشف على التدابير اللي ناوية تديرها باش توسع هاد النمط من العمل، مع وضع إطار قانوني وتنظيمي واضح كيضمن التوازن بين حقوق الموظف، النجاعة الاقتصادية، وجودة الخدمات المقدمة للمواطنين (المرتفقين).