أكدات كايا كالس، نائبة رئيسة المفوضية الأوروبية، من الرباط، بلي المغرب كايلعب دور أساسي ومحوري فتعزيز التعاون فمنطقة البحر الأبيض المتوسط. وكشفت فلقاء صحفي مع وزير الخارجية ناصر بوريطة، بلي المملكة شريك استراتيجي وموثوق، حيت المبادلات التجارية تضاعفات بخمسة دالمرات من عام 2000.
المسؤولة الأوروبية وضّحات بلي هاد الشراكة غاتقوى ببرامج جديدة كتهتم بالمقاولات، كفاءات الشباب، ومناخ الأعمال، بالإضافة لحوار رقمي جديد كيركز على الذكاء الاصطناعي والابتكار. وأشادت كالس بمساهمة المغرب فـ “ميثاق المتوسط”، مشيرة للي كاين استعدادات لحوار أمني غايعالج قضايا مكافحة الإرهاب والأمن البحري.
وفملف الصحراء المغربية، جددات كالس دعم الاتحاد الأوروبي للمسار الأممي، مؤكدة بلي موقف الاتحاد كيعكس التطورات الأخيرة فمجلس الأمن، اللي كيدعو لمفاوضات على أساس “مقترح الحكم الذاتي” اللي قدمو المغرب. ونوهّات بالتقدم اللي تحقق فالمفاوضات اللي كترعاها الأمم المتحدة، معتبرة بلي مقترح الحكم الذاتي هو القاعدة الأساسية للوصول لشي حل عادل ودائم.