كاين واحد الجدل كبير نايض دابا فكواليس الكورة العالمية، من بعد ما اقترح ممثل ديال الرئيس ميريكاني “دونالد ترامب” على الفيفا باش تعوض إيران بالطاليان فمونديال 2026 اللي غايكون فميريكان والمكسيك وكندا. هاد المبادرة اللي جابها المبعوث “باولو زامبولي” لـ “جياني إنفانتينو”، تبررات بالتاريخ العريق ديال الطاليان اللي هازة ربعة د الكيسان د العالم، وخا ما تأهلاتش رياضياً.
هاد الخطوة داخلة فواحد السياق ديبلوماسي معقد، حيت العلاقات بين ترامب ورئيسة وزراء إيطاليا “جورجيا ميلوني” توترات مؤخراً، من بعد انتقادات ترامب للبابا فاش كانت الحرب مع إيران شاعلة؛ وهاد الاقتراح كيتشاف كأنه محاولة صلح سياسي.
رياضياً، الطاليان كتعيش أزمة خايبة من بعد ما خسرات مع البوسنة والهرسك فالماتش الفاصل، الشي اللي خلا رئيس الاتحاد ديالهم يستاقل. ومن جيهة خرى، إيران ردات بقوة وأكدات بلي واجدة تشارك فالمونديال. وخا هاد القربالة نايضة، الفيفا مازال ما عطات حتى إشارة بلي غادي تآمن بهاد السيناريو اللي كيضرب فمبدأ الاستحقاق الرياضي فوق التيران.