قررات الجامعة الملكية المغربية لكرة القدم ترفض التلبّية ديال لطلب اللي تقدّمات بيه الجامعة السنغالية باش يتسرّع البتّ فملف “كان 2025” قدام محكمة التحكيم الرياضي (TAS). هاد الموقف المغربي مبني على قراءة قانونية رصينة للمادة R44.4 من قانون المحكمة، اللي كينصّ على أن أي تسريع فالمساطر خاصو ضروري الموافقة ديال جميع الأطراف، وهو لارتكاز اللي استعملاتو الجامعة باش تضمن مسار قضائي متكامل.
الهدف من هاد القرار ماشي هو التماطل، بل هو الحرص على تقديم قراءة معمقة وتحقيق دقيق فالحقائق. الجامعة، ومعها الكاف، كيشوفو بلي المسطرة السريعة (لي مكتفوتش 60 يوم) تقدر تضيّع فرصة الاستماع لشهود أساسيين، بحال الحكم جان جاك ندالا، وتمنع فحص تقارير لجنة الانضباط بدقة. المغرب بهاد الخطوة كيفرض “زمن القانون” باش يضمن بلي الحقيقة تظهر كاملة بخصوص أحداث النهائي اللي داز فمركب مولاي عبد الله، بعيداً على أي ضغط زمني يقدر يمس بجوهر الملف ونزاهة المسطرة التحكيمية.