بيتر توماس، جندي ميريكاني سابق فعامو الـ86، كيشكل نمودج حي فالتيكتوك على أن السر ديال طول العمر ماشي فالمكملات الغالية، ولكن فـ “الانضباط العسكري” اللي ولفو فاش كان شاب. بيتر كيرجع الفضل فهاد الصحة الحديدية للروتين اليومي اللي بداه فاش كان فالحرب، واللي ولا عقد مقدس مع راسو: “الرياضة كل نهار والماكلة المتوازنة”.
بنسبة لبيتر، الصحة هي الرأسمال الحقيقي، وهادشي كتاكدو الدراسات العلمية اللي كتشير بلي النشاط البدني كيقلل خطر الوفاة وأمراض القلب والسكري بنسبة كبيرة. بيتر ما كيتعاملش مع التقاعد كفترة ديال الراحة السلبية، بل كيسميه “كلمة خاوية”. هو لقى المعنى ديال حياتو فصناعة محتوى هادف كينصح فيه الناس، حيت كآمن بلي “الهدف فالحياة” هو المحرك اللي كيخلي بنادم مستمر. رسالته واضحة: إلا بغيتي تعيش مزيان، خاصك تحافظ على هدف كيحركك وتخلي صحتك هي أولوية الأولويات.