علن صندوق النقد الدولي بلّي وصل لاتفاق مع الحكومة الأردنية على مستوى الخبراء، من بعد المراجعات اللي دار بخصوص برنامج الإصلاح الاقتصادي. هاد الخطوة غاتخلي المملكة الأردنية تستافد من تمويل كيوصل لـ 200 مليون دولار تقريبا.
هاد الاتفاق جا من بعد مشاورات دارها فريق من الصندوق مع السلطات الأردنية ما بين 2 و14 أبريل، باش يقيموا التقدم اللي تدار في إطار “تسهيل الصندوق الممدد” و”تسهيل الصلابة والاستدامة”. ومن المتوقع بفضل هاد المراجعات، يصرف الصندوق 140 مليون دولار من البرنامج اللي القيمة دياله 1.2 مليار دولار، ويزيد عليها 57 مليون دولار أخرى مخصصة لدعم الاستدامة.
المسؤول في الصندوق، سيزار سيرا، أكد بلّي الاقتصاد الأردني بيّن على قدرة كبيرة في مواجهة التحديات، بفضل السياسات الحكيمة اللي متاهجاها الحكومة. وحسب التوقعات، حقق الناتج المحلي الإجمالي نمو كيوصل لـ 2.8% فـ 2025، مع استمرار هاد الدينامية فـ 2026. الأردن ملتزمة كذلك باش تهبط الدين العام لـ 80% من الناتج المحلي فـ أفق 2028، من خلال تحسين المداخيل وترشيد النفقات.