الأوضاع بين إيران والميريكان وصلات لطريق مسدودة من بعد ما فشلو المفاوضات فإسلام آباد. الرئيس دونالد ترامب صرّح بلي إيران راها فوضعية “يائسة” وأكد بلي ما غاديش يخليها تملك السلاح النووي، وزاد وضح بلي ما كيهموش واش يرجعو للمفاوضات ولا لا.
فهاد السياق المتوتر، الميريكان علنات غتفرض حصار بحري على الموانئ الإيرانية، هاد القرار خلى كلفة البترول (WTI) طير فوق 100 دولار للبرميل. من جيهتو، وزير الخارجية الإيراني، عباس عراقجي، قال بلي كانو قراب بزاف من اتفاق تاريخي، ولكن اتهم واشنطن بالتعنت وفرض شروط تعجيزية.
وفنفس الوقت، تقارير حقوقية كشفات بلي إيران سجلات رقم قياسي فعمليات الإعدام سنة 2025، حيت تقتل كتر من 1639 شخص، بزيادة فالمية 68 مقارنة بالعام اللي فات. هاد التصعيد داخليا وخارجيا كينذر بمرحلة صعيبة فالمنطقة، خصوصا مع اقتراب نهاية الهدنة وبداية الحصار الأمريكي.