أكدات التقارير الأخيرة أن الدولي الكندي ألفونسو ديفيز كيشعر باستقرار كبير فصفوف بايرن ميونيخ، بفضل عقد طويل الأمد كيربطو بالنادي البافاري لغاية سنة 2030. هاد العقد كيخليه من بين أعلى اللاعبين أجراً فالدوري الألماني، حيث كيوصل الراتب السنوي ديالو لحوالي 20 مليون يورو شاملة للمكافآت.
وفيا كيتعلق بمستقبلو، وضح الصحفي “كيري هاو” من شبكة “سكاي سبورت” أن ديفيز ما عندوش نية يغادر “أليانز أرينا”، وفنفس الوقت، الإدارة ما كاتفكرش تبيعو ولا عرضاتو على أندية أخرى. الموقف ديال النادي واضح وصارم: اللاعب ماشي للبيع، وما يمكن تفتح باب المفاوضات إلا فحال توصل البايرن بعرض مالي “استثنائي” وخيالي كيتجاوز كاع التوقعات. حالياً، ديفيز مركز على استعادة المستوى العالي ديالو وكيبصم على تطور ملموس من بعد العودة ديالو من إصابة طويلة غيباتو على الملاعب.