خرج ستيفانو دومينيكالي، المدير التنفيذي للفورمولا 1، بتصريحات قوية رداً على الانتقادات اللي وجهها بطل العالم ماكس فيرستابن وبعض السائقين الآخرين بخصوص القانون الجديد للمحركات. دومينيكالي وضح أن النجاح اللي كايعيشوه السائقين اليوم، مادياً ومعنوياً، هو نتيجة عمل جماعي وتطور الرياضة، وطلب منهم يحترموا المنظومة اللي عطاتهم شهرة عالمية.
الخلاف نايض أساساً على المحركات الجديدة اللي ولات كاتعتمد بزاف على الطاقة الكهربائية بنسبة كتوصل للنص (50%)، الشيء اللي خلا فيرستابن ينتقد الوضع بشدة ويشبه السباق بـ “ماريو كارت” أو “فورمولا E مطورة”، حيت كايحس بلي القيادة فقدات الجوهر ديالها المعتمد على القوة الميكانيكية الخالصة.
رغم هاد الصرامة، دومينيكالي أكد بلي صوت فيرستابن، كبطل عالمي عنده رؤية شاملة، ضروري يتسمع. وضح بلي الحوار كاين بيناتهم، والهدف هو الحفاظ على توازن الرياضة بلا ما نطيحو في ردود أفعال مبالغ فيها، مع ضرورة الاعتراف بلي هاد التغييرات هي جزء من مستقبل البطولة وتطورها التقني.