تشهد منطقة الشرق الأوسط تصعيد خطير ومقلق، من بعد ما تعثرات المفاوضات بين واشنطن وطهران هاد الويكاند. الرئيس الأمريكي دونالد ترامب علن بقرار حازم كيقضي بفرض حصار بحري فوري على مضيق هرمز، ووضح فمنصة “تروث سوشال” بلي البحرية الأمريكية غادي تمنع أي سفينة كتحاول تدوز من هاد الممر الاستراتيجي.
ترامب عطا تعليمات صارمة للمارينز باش يوقفو ويفتشو أي باخرة خلصات رسوم المرور لإيران فالمياه الدولية، واعتبر بلي هاد لافير غير قانونية وكتهدد سلامة الملاحة. واتهم طهران بلي نكثات بالوعود ديالها بخصوص فتح المضيق، الشيء اللي سبب فوضى ومعاناة اقتصادية عالمية.
ورغم أن ترامب لمح بلي المفاوضات قربات تحل بزاف ديال النقط، إلا أن الخلاف الجوهري على البرنامج النووي الإيراني وقف عائق قدام الوصول لاتفاق نهائي. هاد التطورات كتحيل على أن نهاية الصراع فالمتوسط مازال بعيدة، وك تزيد من حدة التوتر الجيوسياسي اللي كيهدد استقرار المنطقة والعالم.