قررات لجامعة السعودية لكرة القدم تعين الحكم خالد الطريس باش يقود المواجهة لمرتقبة بين النصر والأخدود، برسم الدورة 28 من دوري “روشن”. هاد لمتش غادي يتلعب نهار السبت فملعب الأمير هذلول بن عبد العزيز فنجران.
الطريس غيكون هو الحكم الرئيسي، بمساعدة محمد العبكري وعبد الرحيم الشمري، بينما تعين سامي الجريس فغرفة “الفار” بمساعدة سعد السبيعي، وعبد الله الخربوش كحكم رابع.
كاين واحد التاريخ خاص كيجمع بين خالد الطريس والنجم كريستيانو رونالدو؛ حيت الطريس هو اللي صفر أول ماتش ل “الدون” مع النصر ضد الاتفاق فـ 2023. كيفما قاد لمباراة اللي سجل فيها رونالدو بيتو رقم 50 فالدوري ضد الرائد فافتتاح هاد لموسم. هاديك لمباراة كانت عرفت جدل تحكيمي كبير من بعد ما لغى الطريس بيت ثاني لرونالدو بداعي التسلل، وهو لقرار اللي اعتبروه بزاف ديال لمحللين غالط، وتسبب فتعادل النصر فأول خطوة ليه فالبطولة.