من بعد تجربة قصيرة فالدوري السعودي مع نادي الهلال، كيبان أن الدولي الأوروغوياني داروين نونيز قريب يرجع للاأضواء ديال “البريميرليج”. المهاجم اللي عندو 26 عام، وخا بصم على مردود طيب فالسعودية بـ 9 د الأهداف، لقى راسو خارج الحسابات من بعد ما تعوض بليسطة النادي بالنجم كريم بنزيما، كشي اللي خلاه يقلب على مشروع رياضي كثر تنافسية فـ “القارة العجوز”.
التقارير الصحفية، وعلى رأسها شبكة “TEAMtalk”، كتاكد أن نادي تشيلسي بدا كيقيس النبض ودخل فمفاوضات أولية مع المحيط ديال اللاعب. الهدف هو تعزيز الخط الأمامي للبلوز، وخا المنافسة غتكون صعيبة بزاف فـ “ستامفورد بريدج”. هاد الوضع خلى فرق بحال نيوكاسل وطوطنهام يدخلو حتى هما على الخط كوجهات محتملة ومغرية للمهاجم السابق لليفربول باش يحيي الكاريير ديالو فإنجلترا.
الصفقة كتقدر حالياً بـ 25 مليون يورو، ولكن العائق الأساسي كيبقا هو الراتب الضخم اللي كيتفاضاه نونيز فالسعودية، واللي غيضطر يضحي بـ جزء كبير منو يلا بغا يرجع يتنافس فـ أقوى دوري فالعالم.