خرّج الرئيس الميريكاني دونالد ترامب بتهديدات قاصحة ليوما الأحد، فاش توعد إيران بضربات عسكرية غتستهدف البنية التحتية، وبالضبط محطات الضو والقناطر، نهار الثلاث جاي، إيلا مبقاش مضيق هرمز مفتوح للملاحة.
ترامب، ومن خلال منشور “فتروث سوشال”، هدد الإيرانيين بـ “يوم غيجلب معاه الجحيم” وكتب بلغة حادة: “حلّوا داك المضيق اللعين يا هاد الأوباش لمساطيا”، فهاد الوقت اللي طهران سادة فيه هاد الممر الاستراتيجي من مورا الهجمات الميريكانية والإسرائيلية اللي بدات هادي كتر من شهر. وختم كلامو فصباح عيد القيامة بعبارة “المجد لله”.
وفجانب آخر، علن البيت الأبيض باللي ترامب غيعقد ندوة صحفية غدا الاثنين، باش يحكي تفاصيل مأمورية عسكرية ناجحة فإيران، قدر فيها الجيش الميريكاني يعتق جوج ديال الطيارين اللي كانت طاحت بيهم الطيارة تماك. هاد التصعيد الجديد كيزيد يشعل العافية فالتوتر اللي طالع أصلاً بين واشنطن وطهران، وكيخلي المنطقة كاملة فوق كف عفريت.