قرر الرئيس الأميركي دونالد ترامب تمديد مهلة الإنذار الموجهة لطهران حتى 6 أبريل الجاري، استجابة لطلب الحكومة الإيرانية، مع تأكيده بلي غاديا الأمور فالمفاوضات “بشكل جيد بزاف”. هاد الخطوة جات من بعد ما هددت واشنطن باستهداف منشآت الطاقة الإيرانية يلا متمش فتح مضيق هرمز.
ترامب وضح عبر منصة “تروث سوشال” بلي موازربش لإنهاء التوتر، فلوقت لي كشف فيه المبعوث ستيف ويتكوف على وجود مقترح أميركي فيه 15 بند تيسعى لتسوية شاملة عبر وساطة باكستانية. ومن جيهتها، أكدات وكالة “تسنيم” بلي طهران قدمات رد رسمي فيه مقترح مضاد من 5 بنود، كيطالب بإنهاء العدوان، ضمان عدم تكرار الحرب من طرف واشنطن أو إسرائيل، تعويضات مالية، ووقف إطلاق النار فكاع الجبهات بما فيها لبنان وغزة.
فالوقت لي خرجات فيه إسلام آباد كتاكد وجود “مفاوضات غير مباشرة”، كتبقى هاد العشر أيام الإضافية فرصة حاسمة للدبلوماسية لتفادي تصعيد عسكري كببر فالمنطقة، فانتظار واش غادي ينجحو الأطراف فالتوصل لاتفاق كينهي هاد الأزمة المعقدة.