صرح فاتح بيرول، المدير التنفيذي لوكالة الطاقة الدولية، نهار الجمعة، بلي استرجاع وتيرة إنتاج الطاقة اللي ضاعت فمنطقة الشرق الأوسط بسباب الحرب غادي يتطلب وقت طويل كيوصل لعامين تقريبا باش نرجعو للمستويات اللي كانت قبل هاد الأوضاع.
وفحوار مع صحيفة سويسرية، وضح بيرول بلي هاد المدة غتختلف من بلاد لبلاد؛ فمثلا العراق محتاج وقت كبر بزاف مقارنة بالسعودية. وحذر المسؤول الدولي من الخطر اللي كيهدد “مضيق هرمز”، موضحا بلي إلا تسد هاد المعبر، العالم خاصو يوجد راسو لارتفاع صاروخي فأسعار الطاقة وتقلبات كبيرة فالأسواق غادي تدوم مدة طويلة.
وبخصوص اللجوء لاحتياطيات النفط ديال الطوارئ، أكد بيرول بلي هاد الخطوة باقة قيد الدراسة وموصلناش ليها دابا، وشار للأهمية المتزايدة ديال السيارات الكهربائية اللي كتنتاشر بواحد السرعة أكبر من التوقعات اللي كانت من قبل، شي اللي كيبين توجه جديد فالسوق الدولية للطاقة.