غادي يعيش المغرب لحظة موسيقية تاريخية نهار 7 ماي 2026، فاش غادي يستقبل كازابلانكا، ولأول مرة، أسطورة الروك الكندي “برايان أدامز”. هاد الحدث الاستثنائي، اللي كتنظمو شركة “NuCoast” بشراكة مع “Global Entertainment” و”NRJ Maroc”، غادي يحتضنو القاعة المغطاة فمركب محمد الخامس، فجو حميمي كيقتصر على 3000 مقعد فقط.
برايان أدامز جا للمغرب ضمن جولتوا العالمية “Bare Bones”، اللي كتميز بأسلوب “أكوستيك” بسيط كيركز على قوة الصوت وعزف القيتارة، بعيد على صخب المهرجانات الكبيرة. الجمهور المغربي غادي تكون عندو فرصة نادرة باش يتفكر أغاني خالدة بحال “Summer of ’69″ و”(Everything I Do) I Do It for You” فجلسة فنية راقية وقريبة من القلب.
هاد الزيارة ديال فنان مرشح للأوسكار وفايز بجوائز “Grammy” كتأكد الحضور القوي ديال المغرب فالخارطة الثقافية العالمية والتزام المنظمين بجلب أكبر الأسماء الدولية. غادي تفتح البيبان مع الثمنية دالليل، والحفل غادي يبدا مع العشرة (مدة 90 دقيقة)، والتذاكر متوفرة حالياً على منصة “Events.ma”.