عاشت بعثة ريال مدريد ليلة صعيبة فميونيخ قبل الماتش الكبير ضد البايرن، بسباب ممارسات لا رياضية من طرف بعض الجماهير. شي أشخاص شعلوا المفرقعات والألعاب النارية حدا لوطيل فين نازلين “المرينغي” فأنصاص الليالي، والهدف كان باين هو تشويش التركيز ديال اللعابة ومنعهم من الراحة الكافية.
هاد التصرفات، وخا ولات “كلاسيكو” فالمنافسات الأوروبية، جبدات بزاف ديال النقد حيت كتمس بمبادئ الروح الرياضية. ورغم أن الحادث مادارش أضرار مادية، إلا أن تأثيرو على الجاهزية البدنية ديال اللعابة كيبقى مطروح، خصوصا فمواجهة حاسمة بحال هادي.
من جيهتو، ريال مدريد اختار الهدوء التام وما بغاش يكبر الموضوع فوسائل الإعلام، ولكن الغضب كان واضح ورا الكواليس. هاد “الحرب النفسية” خارج التيران كتعاود تطرح التساؤل على حدود شغف الجماهير والقدرة ديال السلطات المحلية على تأمين هاد المواعيد الكبرى، فانتظار نشوفو واش هاد الليلة البيضاء غادية تأثر على مردود مدريد فوق الرقعة د التيران.