وقعات مؤسسة التمويل الدولية (IFC) وشراكة إستراتيجية مع مؤسسة “تمويلكم” المغربية، الهدف منها تعزيز ولوج المقاولات الصغرى والمتوسطة للتمويل. هاد الاتفاقية كترتكز على وضع آلية لتقاسم المخاطر بغلاف مالي كيوصل لـ 2.74 مليار درهم (تقريباً 300 مليون دولار)، باش تغطي ضمانات القروض الموجهة للمقاولات، وبالخصوص اللي كتسيرها عيالات، والمقاولات اللي فالعالم القروي وسلاسل التوريد.
هاد الخطوة، اللي كتعبر أول استثمار مباشر لـ IFC فـ “تمويلكم”، غادة تمكن من استقطاب رساميل من القطاع الخاص ودعم “النسيج المقاولاتي” اللي كيمثل 90% من الاقتصاد الوطني. بالإضافة للتمويل، غادة تقدم المؤسسة الدولية مواكبة تقنية لـ “تمويلكم” باش تطور آليات تدبير المخاطر وتعتمد المعايير الدولية فمجال التدبير البيئي والاجتماعي والحكامة. هاد الشراكة كتشكل رافعة أساسية لدعم القطاع الخاص، خلق فرص الشغل، وتنمية الاقتصاد المغربي بشكل مستدام ومندمج.