غادي يقوم نائل كاتب الدولة الأمريكي، كريستوفر لاندو، بزيارة رسمية للمغريب السيمانة الجاية، ما بين 27 أبريل و1 ماي. هاد الزيارة كتهدف لتعزيز ليتيحاد الاستراتيجي بين الرباط وواشنطن، خصوصاً فمجالات التكنولوجيا المتطورة، وعلوم الفضاء، والتعاون الأمني اللي كيربط البلدين هادي سنين طويلة.
هاد التحرك الدبلوماسي كيأكد من جديد موقف ميريكان الداعم للسيادة المغربية على الأقاليم الجنوبية، وهو الاستمرار ديال الموقف اللي عبر عليه لاندو فـ 2025 فنيويورك فاش تلاقى مع ناصر بوريطة، فاش جدد دعم بلادو للاستثمارات فالصحراء المغربية.
الزيارة كتعكس الرغبة د ميريكان فتقوية الاستقرار الإقليمي وتطوير الشراكات الاقتصادية فمنطقة شمال إفريقيا. وقبل ما يوصل للمغريب، لاندو غادي يدوز بـالجزائر باش يناقش قضايا أمنية واتفاقيات تجارية. هاد الجولة كتسلط الضوء على الأهمية اللي كتعطيها الإدارة الأمريكية للمغريب كشريك أساسي وضامن للأمن والتنمية فالمنطقة.