أعلنات السلطات المالية نهار الخميس 23 أبريل، بلي توصلات بإشعار رسمي من المغرب بخصوص توقيف العمل بالترخيص الإلكتروني للسفر (AEVM) بالنسبة للمواطنين الماليين، وهو القرار اللي غايدخل حيز التنفيذ فـ 27 أبريل 2026. هاد الخطوة جات من بعد ما أعلن عليها وزير الخارجية ناصر بوريطة فباماكو نهار 10 أبريل، كدليل على التطور النوعي اللي كتعرفو العلاقات الثنائية بين البلدين.
وزارة الخارجية المالية نوهّات بهاد التدبير العملي اللي غايسهل التبادل الاقتصادي، التجاري، والبشري بين المغرب ومالي، واعتبراتو “دفعة قوية” لروابط الصداقة والتعاون. هاد القرار موازاة مع الحدث التاريخي اللي علنات فيه مالي نهار 10 أبريل على سحب اعترافها بكيان “البوليساريو”، حيث أكد وزير الخارجية المالي، عبد الله ديوب، بلي بلادو ولات اليوم كتساند بشكل كامل الجهود المغربية فملف الصحراء، وهادشي كيعتبر قطيعة نهائية مع الموقف اللي كانت خداه باماكو فتمانينات القرن الماضي، وكيفتح آفاق جديدة للتعاون الاستراتيجي بين البلدين.