توج المنتخب الوطني المغربي للفوتسال بلقب الدوري الدولي بمدينة بركان، من بعد ما سحق المنتخب الليبي بستة لزيرو فالعشية ديال الثلاثاء 14 أبريل 2026. “أسود الأطلس” بينوا مرة خرى على كعب عالي وسيطرة مطلقة طيلة أطوار المقابلة، بشهادة الجميع.
الأهداف ديال النخبة الوطنية تناوبوا على التسجيل ديالها كل من سفيان المسرار لي ماركا جوج بيتة، وإدريس رايس الفني، ومحمد رضا المداح، ويوسف بنسالم، بالإضافة لبيت ضد المرمى سجلاتو ليبيا فبالها. لكتيبة ديال هشام الدكيك كانت حاضرة بدنيا وتقنيا، وفرضات الإيقاع ديالها من الدقائق الأولى حتى بقات النتيجة لصالحها وبلا نقاش.
هاد التتويج جا من بعد مسار متميز فهاد الدوري، حيث كان المنتخب المغربي فاز فالماتش اللول على الرأس الأخضر بنتيجة عريضة (7-1). وبحسيلة طوطال فيها 13 لبيت فجوج ديال لماتشات، كياكد المنتخب الوطني الجاهزية ديالو التامة والقوة التصاعدية لي كيمشي بيها فهاد المرحلة ديال الاستعدادات.