بعد “فضيحة” 19 يناير فالفينال بين المغرب والسينغال، نزلات المطرقة غليظة على الحكم الكونغولي جان جاك ندالا. من بعد ما قررات الكاف تسحب اللقب من السنغال بسبب أحداث الشغب، جات دابا الفيفا باش تخرج ندالا من لايحة الحكام اللي غادي يشاركوا فمونديال الصيف.
وخا الكاف بقات واضحة ثقتها فيه فالمسابقات الإفريقية، الفيفا كان عندها رأي آخر. الهيئة الدولية اختارت سبعة ديال الحكام أفارقة، من بينهم المغربي جلال جيد والجزائري مصطفى غربال، واستبعدات ندالا بمرة. هاد القرار ما جاش من فراغ، حيت الانتقادات كانت قوية بزاف على طريقة تدبيرو للماتش السخون.
وحسب ما راج فاجتماع اللجنة التنفيذية، كاين تقارير كتقول باللي ندالا توصل بتعليمات باش ما يعطيش كارتونات حمراء للاعبي السنغال ملي رجعوا من الملحق، وهادشي “باش يحافظ على الماتش”. هاد “التساهل” اللي تسبب في فوضى عارمة، كان هو السبب الرئيسي اللي خلاه يخلص الثمن غالي ويغيب على أكبر عرس كروي عالمي.