الصحة، الضغط، والمخاطر.. ظاهرة المنشطات فالعالم دالرياضة للهواة.

كشف تقرير حديث للمعهد الوطني للصحة والأبحاث الطبية (Inserm) على حقائق صادمة بخصوص “الدوباج” وسط الرياضيين. التحليل اللي شمل كتر من 3800 دراسة، بين بلي تعاطي المنشطات ماشي محصور غير فالاحتراف، بل كينتشر بزاف عند الهواة؛ حيت كتوصل لنسبة 40%، وممكن تفوت 60% إلا حسبنا المكملات الغذائية اللي مكوناتها غامضة.

التقرير ركز بالأساس على مخاطر “الستيرويدات” (Stéroïdes) المستعملة بزاف في قاعات كمال الأجسام، واللي كتسبب أضرار خطيرة على القلب والشرايين، وكتضاعف احتمال الوفاة المبكرة بـتلاتة دالمرات، زيادة على مشاكل هرمونية ونفسية وكذا الإدمان. أما فرياضات التحمل، فكيتجهو بزاف للمسكنات ومضادات الالتهاب باش يكملو السباقات، بلا ما يوعاو بمخاطر الجرعات الزائدة.

الخبراء كيرجعو هاد الظاهرة لضغوطات محيط الرياضي، الرغبة فالمقارنة مع الآخرين، ولا للهروب من التعب والإصابات. وفالختام، وصى المعهد بضرورة تقوية المراقبة وتوعية الرياضيين الهواة، مع تغليب الحفاظ على الصحة على تحقيق الأرقام والنتائج، وتوفير مواكبة طبية متخصصة للمتضررين.