علن دونالد ترامب على حصار بحري لمضيق هرمز من طرف الولايات المتحدة، من بعد ما فشلو المفاوضات مع إيران فباكستان. هاد الخطوة كاتهدف لخنق الاقتصاد الإيراني ومنع تصدير النفط باش يضغطو عليهم يتخلاو على الطموحات النووية.
هاد القرار يقدر يشعل مواجهة مع الشينوا، اللي كتعتابر أكبر شاري للبتوك الإيراني. وحسب الجنرال نيكولا ريشو، الشينوا عندها ورقة ضغط قوية هي “الأتربة النادرة” اللي ضرورية لصناعة الأسلحة التكنولوجية.
ميدانياً، كاين تخوف كبير من الألغام البحرية اللي تقدر تكون إيران زرعاتها، وهي وسيلة رخيصة وخطيرة كتهدد مئات السفن التجارية. وخا ترامب قلل من قيمة القدرات الإيرانية، المحللين كيشوفو بلي أي زورق صغير يقدر يولي زارع ألغام فظرف ساعات.
من جيهة أخرى، ترامب انتقد الموقف الأوروبي، خصوصاً فرنسا اللي رفض رئيسها إيمانويل ماكرون يصيفط كاسحات الألغام قبل ما يكون اتفاق دولي، حيت المهمة فيها مخاطر كبيرة على السفن اللي ما مجهزاش للدفاع الجوي، بالإضافة لصعوبة تأمين ساحل طويل كيوصل لـ 1700 كيلومتر.