علنات رابطة مصنعي السبيارات الأوروبية نهار الخميس بلي كاين واحد الانتعاش ملموس فمبيعات السيارات الجديدة فالسوق الأوروبية خلال شهر مارس اللي فات. هاد الارتفاع اللي وصل لـ 12.5% على أساس سنوي، بـ 1.158 مليون عربية، راجع بالأساس للإقبال الكبير اللي عرفاتو السيارات “النقية”.
الأرقام كاتبين بلي السيارات الكهربائية اللي خدامة بالبطارية دارت قفزة نوعية بزيادة ديال 49%، أما السيارات الهجينة (Hybride) حتى هي عرفات إقبال متزايد، وطلعات مبيعات النوع اللي كيتشارجا بـ 28%، والكهربائية-الهجينة بـ 20%.
وفالمقابل، كاين تراجع واضح فالطلب على الموطورات التقليدية؛ مبيعات ليسانس طاحت بـ 9.4%، والمازوط بـ 12.3%. هاد الدينامية الإيجابية سهمات فرفع تسجيلات السيارات بـ 4% كاملة خلال الربع الأول من هاد العام، شي اللي كايأكد توجه المستهلك الأوروبي نحو العربات الصديقة للبيئة.