قررات السلطات الإيرانية تفتح المجال قدام السفن اللي هازة السلع الأساسية باش دوز لقصد الموانئ ديالها عبر مضيق هرمز، هادشي على حساب ما نشراتو وكالة “تسنيم” للأنباء هاد السبت.
البيان وضح بلي كاع السفن اللي غادية للموانئ الإيرانية، بما فيها اللي واعفة دابا فخليج عُمان، خاصها ضروري تنسق مع الجهات المختصة وتحترم البروتوكولات القانونية المعمول بيها باش تعبر المضيق.
هاد الخطوة جات من بعد ما كانت طهران سدات هاد الممر الاستراتيجي، اللي كيدوز منو تقريبا خمس التجارة العالمية ديال البترول، وهاد السدة كانت رد فعل على الهجمات اللي شنتها ميريكان وإسرائيل نهار 28 فبراير. هاد القرار الجديد كيعكس رغبة فتنظيم حركة الملاحة وتأمين وصول المواد الحيوية للبلاد فظل هاد الظروف المتوترة.