خلال الزيارة الرسمية اللي قام بها للجزائر، جبد رئيس “الفيفا” جياني إنفانتينو مأساة “ماتش الشوهة” ديال مونديال 1982، اللي كيتعتابر واحد من أكبر المظالم فـتاريخ الكورة. إنفانتينو عبّر على الإعجاب ديالو بالمنتخب الجزائري اللي بهر العالم فديك النسخة، وكشف باللي كان كيعلق “پوستر” ديالهم فبيتو فاش كان فعمرو 12 عام.
كولشي كيتفكر كيفاش “الخضر” حققوا فوز تاريخي على ألمانيا الغربية (2-1)، ولكن الإقصاء جا بطريقة غادرة من بعد “اتفاق سري” وتواطؤ مفضوح بين ألمانيا والنمسا فالماتش الأخير. هاد الفضيحة الكروية، اللي تسمى “اتفاق خيخون”، خلات الفيفا من بعد تبدل القوانين وتولي تلعب الماتشات الأخيرة فالمجموعات فدقة وحدة باش تضمن النزاهة. إنفانتينو وصف هاد التجربة بأنها كانت قاسية بزاف على منتخب دخل لقلوب كاع عشاق الكورة بآداء استثنائي وشجاعة كبيرة فوق التيران.