مخططات “أسود الأطلس” التحضيرية لمونديال 2026 عرفات أول تغيير مفاجئ، بعدما تأكد إلغاء الماتش الودّي ضد منتخب السلفادور، اللي كان مقرر يتلعب فـ 3 يونيو فالميريكان. هاد القرار جا بسباب الالتزامات المهنية ديال أغلب لعابة المنتخب مع نديهم، الشيء اللي خلى الالتحاق ديالهم بالمعسكر يتأخر.
رئيس اتحاد السلفادور، ياميل بوكيلي، صرح باللي الجامعة الملكية المغربية لكرة القدم عبرات على اعتذارها بسباب عدم اكتمال الصفوف الموعد المحدد. وخا الجامعة اقترحات تنظم الماتش فالمغرب مع تكفلها بكاع مصاريف التنقل، إلا أن الجانب السلفادوري رفض بسباب قوانين الفيفا، اللي كتمنع خوض مباريات فجوج قارّات مختلفة فنفس الفترة الدولية، إضافة لالتزامهم ببرنامج مسطر قبل.
ورغم هاد الإلغاء، المواجهة الثانية ضد النرويج نهار 7 يونيو فـ “نيو جيرسي” باقة فموعدها. يذكر بللي المنتخب المغربي غاد يدخل غمار المنافسات الرسمية نهار 13 يونيو، فمجموعة قوية كتضم البرازيل، اسكتلندا، وهايتي.